꤁꤯ ꤋꤥ꤭ꤙꤢꤪꤞꤛꤥ ꤗꤟꤥ꤬ꤜꤣ ꤗꤢ꤬ ꤛꤢꤩ꤬ꤏꤛꤢꤨ, ꤋꤛꤢ ꤕꤢꤩ ꤜꤟꤢꤪ꤭ ꤟꤢꤪ ꤕꤟꤢꤧ꤬ ꤒꤟꤢꤧ꤬ꤞꤢꤦ, ꤜꤟꤢꤪ꤭꤮ ꤠꤢ꤭ ꤒꤥ꤭ ꤟꤢꤩꤜꤟꤌꤣ꤭ ꤢꤧ꤬ ꤒꤢ꤬ꤟꤢꤩ꤬, ꤡꤢꤪꤙꤢꤧ꤭ ꤚꤢꤪ ꤟꤢꤩꤜꤟꤌꤣ꤭ ꤊꤚꤟꤢꤦ꤭ꤊꤚꤟꤢꤦ꤭꤯ ꤕꤟꤢꤧ꤬ ꤞꤢꤧꤕꤜꤢꤪ꤬ꤊꤟꤢꤨ ꤒꤢ꤬ꤗꤥ꤭ꤗꤥ꤭ ꤡꤢꤪ, ꤋꤛꤢꤙꤢꤧ꤬ ꤘꤢꤦ꤬ ꤒꤟꤢꤧ꤬ꤡꤟꤛꤢꤩ꤭ꤒꤟꤢꤧ꤬ꤡꤟꤢꤦ꤬, ꤕꤟꤢꤧ꤬ ꤋꤛꤢꤙꤢꤧ ꤒꤟꤢꤧ꤬ꤡꤟꤛꤢꤩ꤭ ꤒꤥ꤬ ꤒꤢ꤬ꤟꤢꤩ꤬, ꤊꤚꤟꤢꤦ꤭ ꤊꤝꤤ꤭ꤡꤢꤪꤙꤢꤧ꤭ ꤜꤢ꤬ꤟꤛꤢ꤭ ꤒꤟꤢꤧ꤬꤯

꤂꤯ ꤏꤤꤒꤣ꤬ꤙꤢꤧ꤬ ꤒꤟꤢꤧꤡꤟꤛꤢꤩ꤭ꤒꤟꤢꤧ꤬ꤡꤟꤢꤦ꤬ ꤟꤟꤢꤧ꤭, ꤒꤟꤢꤧ꤬ꤕꤛꤢꤒꤟꤢꤧ꤬ꤙꤢꤧ꤭ ꤙꤢꤧ꤬ ꤔꤟꤢꤧ꤬ ꤟꤟꤢꤧ꤭, ꤕꤟꤢꤧ꤬ ꤙꤢꤧ꤬ ꤒꤥ꤭ ꤞꤢꤧꤕꤜꤢꤪ꤬ꤕꤛꤢꤩ ꤔꤟꤤ ꤒꤥ꤬, ꤟꤢꤩꤜꤟꤌꤣ꤬꤭ ꤔꤢ ꤒꤟꤢꤧ꤬ꤊꤝꤤ꤭ꤡꤢꤪꤙꤢꤧ꤭꤯ ꤋꤥ꤭ꤙꤢꤪꤞꤛꤥ ꤗꤟꤥ꤬ ꤘꤣ ꤟꤢꤩ꤬ꤋꤢꤨ꤬ ꤛꤢꤩ꤭, ꤗꤛꤢꤓꤛꤢꤩ꤬ ꤒꤥ꤬ ꤚꤛꤢꤞꤛꤢ ꤔꤢ ꤢꤧ꤬, ꤛꤢꤩ꤬ꤏꤛꤢꤨ ꤞꤢꤧꤑꤢꤩ꤭ ꤕꤟꤢꤧ꤬ ꤟꤢꤧ꤭ꤚꤢꤩ꤬ꤡꤟꤢꤧ, ꤊꤝꤤ꤭ ꤡꤢꤪꤙꤢꤧ꤭ ꤚꤢꤪ ꤟꤢꤩꤜꤟꤌꤣ꤭ ꤢꤧ꤬꤯

꤃꤯ ꤔꤟꤢꤧ꤬ꤠꤟꤤꤔꤟꤢꤧ꤬ꤐꤢ ꤓꤌꤣ꤬ ꤔꤛꤢ꤬ꤡꤢꤪ ꤟꤟꤢꤧ꤭, ꤟꤢꤧ꤭ꤡꤟꤢꤧ ꤜꤢ꤬ꤘꤛꤢꤜꤢ꤬ꤘꤢ꤭ ꤟꤟꤢꤧ꤭, ꤛꤢꤩ꤬ꤏꤛꤢꤨ ꤢꤧꤟꤛꤢ꤭ ꤕꤟꤢꤧ꤬ ꤘꤣ ꤢ꤬ꤥ꤬, ꤟꤢꤩꤜꤟꤌꤣ꤭ ꤔꤢ ꤒꤟꤢꤧ꤬ꤊꤝꤤ꤭ ꤡꤢꤪꤙꤢꤧ꤭꤯ ꤔꤟꤢꤧ꤬ ꤋꤥ꤭ꤙꤢꤪꤞꤛꤥ ꤠꤤ꤭ꤊꤛꤢ꤭ ꤔꤟꤢꤧ꤬ ꤟꤟꤢꤧ꤭, ꤟꤢꤩ ꤢꤧ꤬ ꤔꤢ ꤒꤟꤢꤧ꤬ꤊꤝꤤ꤭ꤡꤢꤪꤙꤢꤧ꤭, ꤢ꤬ ꤒꤢ꤬ꤋꤢꤨ꤬ ꤒꤢ꤬ꤊꤟꤢꤧ꤬ꤙꤤ ꤔꤟꤤ ꤔꤟꤢꤧ꤬, ꤗꤟꤢꤩ꤬ꤗꤟꤥ꤬ꤓꤛꤢ꤬ ꤋꤛꤢꤩ꤭ꤘꤢꤦ꤬ ꤔꤟꤢꤧ꤬ ꤞꤢꤧ꤯